Бұл статистикалық мәліметтер 1 қарашадағы есеп бойынша алынып отыр. Дәл осы мақсатта биыл мемлекет қазынасынан 64,7 млрд теңге бөлінген.
Айта кету керек, бұл көмек түрі, әлеуметтік осал топтарды қолдау мақсатында беріледі. Нақтырақ тоқталатын болсақ:
-табысы өңірлік ең төменгі күнкөріс деңгейінің 70% аспайтын азаматтарға тоқсан сайын әлеуметтік көмек тағайындау;
— табысы аз отбасылардағы 1 жас пен 6 жас аралығындағы әр балаға 1,5 АЕК (5 175 теңге) мөлшерінде ай сайын қосымша төлем беру. 1 қарашадағы жағдай бойынша АӘК алушылар қатарынан мектеп жасына дейінгі 182 мың балаға қосымша төлем тағайындалды;
— жұмысқа орналастыру, өз ісін ашуға ниетті отбасыларға грант беру, біліктілікті арттыру курсына жіберу (қажет болған жағдайда) және басқалар арқылы жұмыспен қамтуға жәрдемдесу.
