307
Елімізде сырттан әкелінетін жылқы етінің көлемі өскен. Бұл туралы Ұлттық статистика бюросындағылар мәлімдеді. Олардың дерегінше, жылқы етінің импорты 50,2%-ға артқан.
«2022 жылғы қаңтар-желтоқсанда Қазақстан Республикасында 157,1 мың тонна жылқы еті өндірілді. Бұл 2021 жылдың сәйкес кезеңімен салыстырғанда 3,9%-ға артық» делінген мәліметте.
Өндіріс көбейген сайын импорт көлемі де өскен. Мәселен, өткен жылдың 12 айында елге 3,6 мың тонна жылқы еті әкелінсе, 2021 жылы 2,4 мың тонна импортталған. Осылайша өсім 50,2 пайызды құрады.
