64
Құзырлы орган өкілдері еліміздің барлық аудандары мен облыстарында жедел алдын алу шараларын жүргізуде. Нәтижесінде, 29 адам қамауға алынды. Олардан, 110 келіден астам есірткі алынды.
«Алматыда 26 жастағы ер адам көлігімен 2,5 кг мефедрон, 50 грамм кокаин және 30 грамм “экстази” есірткісін тасымалдау кезінде ұсталды. Сондай-ақ бір келіге жуық мефедрон мен 20 грамм кокаинды автокөлікпен тасымалдаған екі азамат ұсталды. Абай облысында 27 жастағы ер адам құрықталды. Ол түрме аумағына салмағы 2 кг болатын алты орам гашиш тастамақ болған. Астанада 27 жастағы ер адам 10 келіден астам гашиш пен 265 грамм марихуана сақтаған. Ол есірткіні Telegram арқылы сатып алған»,-деп хабарлады ІІМ.
