Жетісу облысы, Кербұлақ ауданының әкімі Қанат Есболатов, тұрғындарды қуантамын деп, көз жасына қалды. Өйткені, ол мереке қарсаңында балабақша тәрбиешісі Галина Деминеге үй сыйлаймын деп уәде берген. Әкім сөзінде тұрды. Бірақ, жоқ үйдің кілтін көзбояушылықпен табыстаған. Артынан, ауыз толтырып тілек айтқан.
«Үйін барып көрдім. Аты бар, заты жоқ. Үй деп айтуға келмейді. Көктемде барып көрдім. Содан айтқанмын. Күзге жақын, жомарт жандар болса, үй береміз деп. Міне, бүгін 8.7 млн теңгеге үй сатып алдық. Құтты болсын»,- дейді әкім.
Ал, Галинаға 3 жарым млн шамасында үй тапсаңыз, соны алып береміз деген. Аяғынан тозып, әбден үй іздеген тәрбиеші, әкімдіктегілерден көңілі қалған. Қазір, жауын шашынды күні, қабырғасы мүжіліп, құлағалы тұрған үйдің ішінде отыр.
Әкім, халықты алдап соқты ма? Әлде, әкімді қоластындағылары шаң қаптырып кетті ме?
