17 мамыр күні Мемлекет басшысы Қасым-Жомарт Тоқаев 70 жасқа толады. Бұл күні елімізде қандай іс-шаралар өтеді? Көпті мазалаған сұраққа Президент баспасөз хатшысы Руслан Желдібай жауап берді.
«Президенттің баспасөз қызметіне бұқаралық ақпарат құралдарынан Мемлекет басшысы туған күнін қалай атап өтетіні туралы сұрақтар келіп түсіп жатыр. Осыған орай ешқандай іс-шара жоспарланбағанын хабарлаймыз. Президент мұндай шараларды қолдамайды» деп жазды Руслан Желдібай Facebook парақшасында.
Мемлекет басшысы 17 мамыр күнін жұмыс кестесіне сай өткізеді. Бұған дейін хабарланғандай, бұл күні Қасым-Жомарт Тоқаевтың Қытайға мемлекеттік сапары басталады. Қазақстанда да, ҚХР-ға сапар аясында да Президенттің туған күніне байланысты ешқандай іс-шара өткізілмейді.
