Шымкент қаласының аумақтық сайлау комиссиясының құрамы туралы ақпарат пайда болды:
Құнанбаев Қайырбек Көбекұлы-комиссия төрағасы.
2. Мамытбеков Алмасбек Кеңесбекұлы-төрағаның орынбасары.
3. Исабаева Ұлжан Батырханқызы-комиссия хатшысы.
4. Бектұрғанов Ержан Әділханұлы – комиссия мүшесі.
5. Ыдырысов Асыл Баянұлы-комиссия мүшесі.
6. Қабылбек Түймехан Мұсаханұлы-комиссия мүшесі.
7. Ниязов Марат Абдужаппарұлы – комиссия мүшесі.
Орналасқан жері: Шымкент қаласы, Назарбаев даңғылы, 10. Байланыс телефоны: 8 (7252) 24-72-32.
Естеріңізге сала кетейік, республикада сайлауды дайындауды және өткізуді ұйымдастыратын мемлекеттік сайлау органдары сайлау комиссиялары болып табылады. Сайлау комиссияларының бірыңғай жүйесін құрайды:
1) Республиканың Орталық сайлау комиссиясы;
2) аумақтық сайлау комиссиялары;
3) учаскелік сайлау комиссиялары.
Аумақтық сайлау комиссияларын Орталық сайлау комиссиясы, ал учаскелік сайлау комиссияларын тиісті аумақтық сайлау комиссиялары құрады.
Орталық сайлау комиссиясын қоспағанда, сайлау комиссияларының құрамдарын тиісті мәслихаттар қалыптастырады. Сайлау комиссияларының өкілеттік мерзімі бес жылды құрайды.
Аумақтық және учаскелік сайлау комиссияларының мүшелерін саяси партиялардың ұсыныстары негізінде тиісті мәслихаттар сайлайды.
Әрбір саяси партия тиісті сайлау комиссиясының құрамына бір кандидатура ұсынуға құқылы. Саяси партия сайлау комиссиясының құрамына осы саяси партияның мүшелері болып табылмайтын кандидатураларды ұсынуға құқылы.
Облыстық (республикалық маңызы бар қалалар мен Республика астаналары), аудандық, қалалық, қаладағы аудандық сайлау комиссиялары аумақтық сайлау комиссиялары болып табылады.
Аумақтық сайлау комиссиялары:
1) Президентті, Парламент және мәслихаттар депутаттарын, өзге де жергілікті өзін-өзі басқару органдарының мүшелерін сайлауды ұйымдастыруды және өткізуді қамтамасыз етеді;
2) жеті мүшеден құралады.
Тиісті аумақтық сайлау комиссиясы:
әкімшілік-аумақтық бірлік аумағында сайлау туралы заңнаманың орындалуын бақылауды жүзеге асырады; Президентті, Парламент және мәслихаттар депутаттарын, өзге де жергілікті өзін-өзі басқару органдарының мүшелерін сайлауды дайындауды және өткізуді қамтамасыз етеді. Облыстық, аудандық сайлау комиссиялары тиісті әкімшілік-аумақтық бірлікте ауылдық округтер мен ауыл әкімдерінің сайлауын дайындауды және өткізуді ұйымдастыратын сайлау органдары болып табылады.
Учаскелік сайлау комиссиялары тиісті сайлау учаскелерінде Президентті, Парламент Мәжілісі мен мәслихаттар депутаттарын, өзге де жергілікті өзін-өзі басқару органдарының мүшелерін сайлауды ұйымдастыруды және өткізуді қамтамасыз етеді.
Тиісті аумақтық сайлау комиссиясы учаскелік сайлау комиссияларының сандық құрамын: тиісті сайлау учаскесіндегі сайлаушылар саны екі мыңға дейін болған кезде бес-жеті мүшеден; тиісті сайлау учаскесіндегі сайлаушылар саны екі мыңнан асқан кезде жеті-он бір мүшеден айқындайды.
Дереккөз: Шымкент Панорамасы
