Шымкентте Т.Орынбаев атындағы гипербариялық оксигенация орталығының ақ халаттылары науқастарды Орталық Азияда баламасы жоқ медициналық құрылғымен емдеп жүр. Атап айтқанда, жергілікті мамандар қырық жылдан астам уақыттан бері «Арыс МТ» барокамерасының көмегімен күйік шалған ауыр жағдайдағы науқастарды емдеп келеді.
Айта кетейін, бұл орталықта қан қысымы көтерілген, қант диабетіне шалдыққан пациенттерге де терапиялық емдеу жүргізіледі. «Арыс МТ» құрылғысымен дәрігерлер бір мезетте терапиялық ем-шаралармен қатар ота да жасайды.
1994 жылы дәл осы барокамерада ауыр жағдайдағы жүкті әйелдерге кесір тіліктері де жасалған. Бұл өз кезегінде ана мен бала өлімі көрсеткішін төмендетуге сеп болған. Осыған дейін ақ халаттылар кешеннің көмегімен түрлі диагнозға шалдыққан ауыр жағадайдағы мыңдаған науқастың өмірін аман алып қалған.e we