31
Астанада қайтарылған активтер есебінен Қ.Мұңайтпасов атындағы жаңа заманауи стадионның құрылысы жүргізілуде. Бұл туралы Прокуратура органдары хабарлады.
Стадион 2026 жылдың екінші тоқсанында пайдалануға беріледі. Онда футболға басымдық беретін балалар-жасөспірімдер олимпиадалық резерв спорт мектебі ашылады. Мектеп 8 бен 18 жас аралығындағы 750 балаға арналған.
Нысан спортшылар үшін барлық қажетті инфрақұрылыммен жабдықталады: жасанды жабыны бар футбол алаңы, киім ауыстыратын және жаттықтырушылар бөлмелері, медицина кабинеті, көрермендерге арналған трибуналар қарастырылады.
Жоба жастар арасында бұқаралық спортты дамытуға және кәсіби футболшыларды даярлауға бағытталған. Прокуратура бұл әлеуметтік жобаның орындалуын ерекше бақылауда ұстап отыр.
