ТЖМ қызметкерлері жоғалған адамды тауып, құтқарды.
Іздестіру-құтқару операциясы Ақтөбе облысының Алға ауданында жүргізілді. Осыдан бір күн бұрын 1969 жылы туылған ер адам шаруашылық қожалығынан мал іздеуге шыққан. Кешке қарай құтқарушыларға алаңдаған туыстары хабарласып, оның келмегенін, онымен байланыс жоқ екенін хабарлады.
Тез арада іздеуге кіріскен құтқарушылар, екі жол талғамайтын Трэкол көлігімен шықты. Төрт сағат жол жүре отырып құтқарушылар ер адамды басқа шаруашылық қожалығының аумағынан тапты. Белгілі болғандай, оның телефонының қуаты таусылып, қарда жүретін көлігі батып қалған. Сондықтан ол, бірнеше шақырым жаяу жүріп шаруа қожалығына жеткен. Құтқарушылар ер дамды Көктоғай кентіне жеткізді.
Абырой болғанда, ер азаматқа медициналық көмек қажет болмады.
