550
Екібастұз тұрғыны өзімен ажыраспақ болған әйелінің пәтерін өртеп жіберді. Бұл туралы ІІМ-нің Telegram-каналы жазды.
Төтенше жағдайлар департаментінің мәліметінше, 38 жастағы әйелдің пәтеріндегі балконнан өрт шығып, мүлкі бүлінген. Оқиға орнына дер кезінде жеткен өрт сөндірушілер қызыл жалынды сөндіріп үлгерген.
«Қаскүнем анықталды. Ол пәтер иесінің 44 жастағы жұбайы болып шықты. Олар 2020 жылдың желтоқсанында үйленген. Қазір ажырасу процесінде. Тексеру басталды. Аталған факті бойынша қолданыстағы заңнама шеңберінде процестік шешім қабылданатын болады» делінген ведомство мәліметінде.
