Павлодар облысы Ақсу қаласында ішімдік ішіп, үйіндегілердің мазасын алған тұрғын полицейге тап берді.
Полицияға Қамзин көшесіндегі пәтердегі отбасылық жанжал туралы қала тұрғыны хабарласып, көмек сұраған. Оның айтуынша, ұлы мас күйінде жанжал шығарып, өзін агрессивті ұстаған. Аталған мекен-жайға учаскелік полиция инспекторы жеткен.
«Ер адам полиция қызметкерінің заңды талаптарын елемеген. Арессивті әрекет етіп, полиция қызметкеріне қарсылық көрсеткен. Ол үтікпен учаскелік полиция қызметкерінің басынан соғып, білегінен тістеп алған. Көмек көрсету үшін көрсетілген мекен-жайға автопатруль жіберілді. Медициналық куәландыру нәтижелері бойынша ер адам алкогольдік мас күйінде болды. Құқық бұзушы полиция бөліміне жеткізілді,- деп хабарлады Павлодар облыстық ПД.
Қылмыстық кодекстің 380-бабы 3-бөлігі бойынша сотқа дейінгі тергеу басталды.
