Алматыда 20 жастағы жігіт мейрамхана клиенттеріне шабуыл жасап, оларды тонап кеткен. Полицияға жәбірленушілердің бірі хабарласқан. Оның айтуынша, мейрамханадан шығып бара жатқан кезде оған белгісіз біреу шабуыл жасаған. Ұрып-соғып, ақшасын алып кеткен.
Полицейлердің дерегінше, жас жігіттің бірнеше қарақшылық шабуылға қатысы бар екені анықталған. Көп ұзамай күдікті ұсталды және өз кінәсін мойындаған.
«Біздің сарапшылар шабуыл жасаушының әрекетін анықтап, оны оқиға орнында ұстады. Ол 2002 жылы дүниеге келген азаматы. Оның іс-әрекеті Қылмыстық кодекстің 191-бабымен (Тонау) сараланған. Күдіктінің қылмыстық әрекетінің сериялық сипаты да жоққа шығарылмайды. Жас жігіт қамауға алынды», – деді Әуезов аудандық полиция басқармасының бастығы Ұлан Әбілқайыр.
