Астанада 42 жастағы ер кісі таныс әйелдің қымбат көлігін өртеп жіберді. Оқиға таңға жуық уақытта болған. Hyundai Tucson автокөлігінің өртеніп жатқанын көрген әйел дереу полицияға хабарлаған. Көлік Күйши Дина көшесіндегі тұрғын үйдің ауласында болған. Шақыру бойынша келген полицейлер 42 жастағы ер адамды көліктің жанынан ұстады. Ол мас күйінде болған. Оның мұндай қадамға баруына жеке жеккөрушілік қарым-қатынас салдары себеп болыпты. Қолайлы сәтті күткен ер адам түнде таныс әйелдің үй ауласына келген. Содан көлікке бензин шашып, оны өртеп жіберген. Жану салдарынан жәбірленушіге 19 млн теңге көлемінде мүліктік шығын келтірілді. Оқиға орнына келген өрт сөндіру қызметінің қызметкерлері өртті тоқтатты. Бөтеннің мүлкіне қасақана зақым келтіру фактісі бойынша сотқа дейінгі тергеп-тексеру жүргізіліп жатыр. Күдікті ер адам уақытша ұстау изоляторына қамалды.
Видео
Қала әкімі кезекті қабылдауын өткізді
