425
Қазақстандықтардың орташа жасы 32,1 жасты құрады. Ұлттық статистика бюросының мәліметінше, 2018 жылдан бері орташа жас болмашы артқан.
Орта жас өсімі ерлер мен әйелдер арасында да, ауыл мен қала тұрғындары арасында да байқалған. Жыл басындағы ерлердің орташа жасы 30,5 жас болса, әйелдерде – 33,7 жас. Қала тұрғындарының орташа жасы ауыл тұрғындарына қарағанда жоғары, сәйкесінше 32,6 және 31,5.
Өңірлер арасында ең жоғары орташа жас Солтүстік Қазақстан облысында – 38,9 жас, ал ең төменгі орташа жас Маңғыстау және Түркістан облыстарында – 27,6.
