307
Астаналық полицейлер 40 млн теңге бопсалаған күдіктілерді ұстады. Polisia.kz жазуынша, елордалық Полиция департаментіне 31 жастағы қала тұрғыны бопсалау фактісі бойынша арызданған. Жәбірленушінің айтуынша, ЖШС-нің қаржы директоры мен еншілес компанияның атқарушы директоры қорқыту және интимдік жазбаларды таратамыз деп одан 40 млн теңге көлемінде ақша бопсалаған. Күдіктілер 15 млн теңгеден астам қаражаттың бір бөлігін иемденіп, қалған соманы бопсалауды жалғастырған.
Полиция қызметкерлері қос директорды ақша алу барысында қылмыс үстінде ұстады. Олардан 2 млн теңге тәркіленді. Аталған факті бойынша аса ірі мөлшерде бопсалағаны үшін ҚР ҚК-нің 194-бабы бойынша сотқа дейінгі тергеу амалдары жүргізіліп жатыр.
