Хитмен әнші Төреғали Төреәлі Талғардағы уақытша ұстау изоляторына қамауға алынды. Полицейлердің оны изоляторға алып келген сәттің видеосы әлеуметтік желілерде тарады.
Еске салсақ, бұған дейін жас жігіт өзіне әнші Төреғали Төрәлі тап беріп, қабағын жарғаны туралы айтқан болатын. Оның бейнежазбасы желілерде әп-сәтте тарап кетті. Қабағы жарылған жігіттің қасындағы бір топ адам өнер жұлдызының қол көтергенін растайды.
Кейінірек Алматы облысының Полиция департаменті әншінің үстінен қылмыстық іс қозғалғанын хабарлады. Оқиға 28 қыркүйек күні Алматы облысы, Кеген ауданында орналасқан “Көлсай көлдері” ұлттық паркінің аумағында болған. Аталған жайт ҚР ҚК-нің 293-бабы бойынша тіркелген.
Жәбірленуші жас жігіт отандық арналардың біріне берген сұхбатында ұлттық паркте шетелдік туристерді алып жүргенін, олардың бірі әншіге қарағаны үшін өнер жұлдызы өзіне тап бергенін айтты.
