436
Павлодарда 15 жасар қыз көпқабатты тұрғын үйдің 8-қабатынан құлап кетті. Оқиға кеше, 22 желтоқсанда сағат 17.08 шамасында Н.Назарбаев даңғылында орын алған. Полицияға 2007 жылы дүниеге келген жасөспірімнің терезеден құлап кеткені туралы хабарлама келіп түскен. Жарақат алған қыз шұғыл түрде ауруханаға жатқызылды.
ІІМ Telegram-каналының жазуынша, бұл оқиға бойынша Қылмыстық кодекстің 105-бабының 3-бөлімі (Өзін-өзі өлтіруге дейін жеткізу) бойынша сотқа дейінгі тергеу басталды. Оқиғаның мән – жайы мен себептері тергеу барысында анықталатын болады.
