326
Түркістан облысы, Созақ ауданының тұрғыны жақсылық жасаймын деп, алаяқтың құрбаны болды. Оның айтуынша, әріптесі банк шотының қосымшасына кіріп, ақшасын жасырын жымқырып алған. Жәбірленушіге келген шығын көлемі – 360 мың теңге. «Аталған жайтты полиция қызметкерлері ҚР ҚК-нің 188-бабы «Ұрлық» бойынша тіркеуге алды. Жедел-іздестіру шараларының нәтижесінде қылмысқа қатысы бар күдікті анықталды. Белгілі болғандай, күдікті мен жәбірленуші әріптес болып келеді. Ол жәбірленушінің ұялы телефонын сұрап алып, банк қосымшасы арқылы 100 000 теңгесін бірлік ретінде, ал қалған ақшасын өзінің банк шотына аударып алған»,-деді облыстық Полиция департаментіндегілер.
Қазіргі таңда сотқа дейінгі тергеу амалдары жүргізіліп жатыр.
