427
Нұр-Сұлтанда Қабанбай батыр даңғылындағы сауда-ойын сауық орталығына келген әйел брендтік иіссу сататын бутикте ұрлық жасады. Ол дүкеннен 78 500 теңге тұратын «Chanel» брендінің парфюмін үптеп кеткен. Оның бұл әрекеті сауда залындағы бейнебақылау камерасына түсіп қалған. Видеода әйел адамының сөреде тұрған парфюмді байқатпастан сөмкесіне салып, еш кедергісіз бутиктен шығып кеткенін анық көруге болады.
«Аталған фактіге байланысты «Ұрлық» бабы бойынша сотқа дейінгі тергеу амалдары жүргізілуде. Ұсталған азаматша өз кінәсін мойындады, заттай дәлелдемелер алынды. Оның елорда аумағында бұрын жасалған осыған ұқсас қылмыстарға қатысы бар-жоғы тексерілуде»,-делінген қалалық Полиция департаментінің мәліметінде.
