Үшінші мегаполис басшысы Мұрат Әйтенов “Тассай” индустриялық аймағында орналасқан “Шымкай” кәсіпорнында болып, зауыттың өндірістік қызметімен танысты.
“Жеке кәсіпкер 2019 жылдан бастап Шымкентте жиһаз өндірумен айналысады. Цех ашу үшін 750 млн теңге инвестициялау қажет болды. Қазір мұнда жылына 54 мың дана жиһаз өндіріледі. Үш жыл бұрын “Шымкай” жауапкершілігі шектеулі серіктестігіне жиһаз өндіру цехын салу және толыққанды жұмыс істеу үшін “Тассай” индустриялық аймағында жалға алу мерзімі 10 жыл болатын екі гектар жер берілді. Бүгінде мұнда 50 адам еңбек етуде, жыл сайын олардың шеберлігі мен кәсібилігі артып келеді”, – деп хабарлайды Шымкент қаласы әкімдігінің баспасөз қызметі.
Қала әкімі кәсіпорын басшысы мен ұжымға мегаполис экономикасын ілгерілету бойынша атқарған жұмыстары үшін алғысын білдіріп, өз тарапынан оларды одан әрі дамыту үшін барынша қолдау көрсететінін айтты.
“Шымкай” компаниясы 2006 жылдың мамыр айында ашылды. Бұған дейін зауыттың негізгі қызметі түрік жиһаздарын сату болған. 2017 жылы компания өз жиһаздарын шығаратын зауыт салуды бастайды. 2020 жылы жабдықтарды сатып алу үшін” Халық банкі “АҚ жобаны 14% – бен қаржыландыруға мақұлдады, оның 8% – ы”Даму” Қорын субсидиялайды.
Естеріңізге сала кетейік, Шымкентте тағы бір индустриялық аймақ пайда болады. Бүгін Шымкент қаласы Абай ауданының аумағында “Стандарт” индустриялық аймағын ашу бойынша белсенді жұмыс жүргізілуде. Бұл жоба Мемлекет басшысының 2025 жылға қарай өңдеу өнеркәсібінің экспортын 1,5 есеге ұлғайту жөніндегі тапсырмасына сәйкес іске асырылуда. Бұл туралы қала басшысы Мұрат Әйтенов кезекті есеп беру кеңесінде хабарлады.
“Абай ауданында ірі және орта кәсіпорындардың саны 33-ке жетті. Бизнес нысандарының өсуі қаланың экономикасы мен жалпы қаржылық дамуына оң әсер етеді. Индустриялық аймаққа 30 млрд теңгеден астам инвестиция тарту жоспарлануда. Бұл үш мыңға жуық жұмыссыз азаматты жұмысқа орналастыруға мүмкіндік береді”, – деді Мұрат Әйтенов.
Әкімдіктің баспасөз қызметінің мәліметінше, Абай ауданының бюджеті бес жыл бұрын 22,6 млрд теңгені құраған, биыл бұл көрсеткіш бес есеге артып, 110,8 млрд теңгені құрады.
