Шымкентте жалданып қой бағып, нәпақа тауып жүрген 43 жастағы Асен Таңсықбаев іздестірілуде.
Полицияға жергілікті тұрғын інісінің жоғалғанын айтып арызданған. Ол маусым айында үйінен белгісіз бағытқа шығып кетіп, қайта оралмаған. Әпкесінің айтуынша бауыры жалданып, қой бағумен айналысқан. Ұялы телефон қолдануды білмейді. Үйіне ай сайын келіп тұрған. Осы жолы ештеңе ескертпестен шығып кетіп, 3 айдан бері хабар-ошарсыз жоғалып кеткен.
Хабарсыз кеткен ер адам 1975 жылы дүниеге келген. Бойы 165-170 см, орта денелі, шашы қысқа қоңыр түсті. Үстінде қара шалбар, қара футболка, қара түсті аяқ киім болған.
Қалалық Полиция департаменті ер адамды көрген-білгендер болса немесе ол туралы қандай да бір ақпарат білсеңіздер, бірден «102» арнасына немесе 98-07-10, 8700-097-13-13, 8775-777-23-07 нөміріне хабарласуларыңызды сұрайды.
