Түркістан облысы Төлеби ауданында орта сыныпта оқитын мектеп оқушысы өз-өзіне қол салды. Өтпелі кезеңдегі бала өз үйінің мал қорасында асылып өлген. Бұл туралы жедел жәрдем қызметіндегілер полицияға хабарлаған. Оқиға 5 қарашада болған.
«Ақпарат алысымен полицейлер бірден оқиға орнына барып, тексеру жұмыстарын жүргізді. Сырттай қарау барысында мәйіттің денесінде зорлық-зомбылық белгілері не болмаса басқа да дене жарақаттары табылмады. Ал өлім себебін анықтау үшін сот-медициналық сараптамасы тағайындалды. Аталған жайт Қылмыстық кодекстің 105-бабы 3-бөлігі «Өзін-өзі өлтіруге дейін жеткізу» бойынша тіркеліп, қылмыстық іс қозғалды»,-деді облыстық Полиция департаментіндегілер.
Төлебилік тергеушілер жасөспірімнің жақындарынан, мектеп ұжымы мен оқушылардан жауаптар алып жатыр. Мектептегі бейнебақылау камералары мұқият тексеріліп, оқиғаның толық мән-жайы анықталуда.
