Астанада 32 жастағы тұрғын супермаркеттен 18 дана «Мерси» шоколадын жымқырған. Бұл туралы «Сарыарқа» аудандық полиция басқармасына дүкен өкілі хабарласқан.
Ұрлық жасады деген күдікпен 32 жастағы қала тұрғыны ұсталды.
«Тергеу барысында күдіктінің Біржан сал көшесінің бойындағы супермаркеттердің біріне келгені анықталды. Содан ол сөреден 18 дана шоколадты сөмкесіне салып алып, супермаркеттен шығып кеткен. Ұрлық орын алған сәт бейнебақылау камерасына түсіп қалған. Жалпы келтірілген шығын көлемі 33 мың теңгені құрады» деп атап өтті Полиция департаментіндегілер.
Аталған фактіге сәйкес «Ұрлық» бабы бойынша сотқа дейінгі тергеу амалдары жүргізілуде. Ұсталған азаматша өз кінәсін мойындаған. Қазіргі таңда оның елорда аумағында осыған ұқсас басқа да қылмыстарға қатысы бар-жоқтығы тексеріліп жатыр.
