Қазан айының 19-20 күндері Түркістан қаласындағы Конгресс Холл кешенінде қазақ әндерінің халықаралық «Voice of Turan» байқауы өтеді.
Байқаудың мақсаты – қазақ музыкасы мен қазақстандық композиторлардың үздік шығармаларын, сондай-ақ қазақ әндерін әлемге насихаттау, халықаралық байланыс пен өзара ынтымақтастықты нығайту, рухани әрі мәдени құндылықтар алмасу, Түркістанның туристік әлеуетін арттыру. Бұл туралы Өңірлік коммуникациялар қызметі хабарлады.
Байқауға Түркия, Өзбекстан, Қырғызстан, Татарстан, Әзірбайжан, Польша, Черногория, Беларусь, Молдова, Грузия, Сербия, Қарашай-Шеркес республикасы, Бурятия, Македония, Болгария мемлекеттерінен 18-35 жас аралығындағы эстрада әншілері (жалпы саны 15) қатысады. Қатысушылар бірінші кезеңде қазақ композиторларының әндерін, екінші кезеңде елімізге танымал эстрада әншілерімен бірге қазақ әндерін шырқайтын болады. Өтетін уақыты: 19-20 қазан, сағат 19:00-де. Байқауды ұйымдастырушылар – Түркістан облысы әкімдігі және облыстық мәдениет басқармасы.
