Жамбыл облысының орталығы Таразда 80 жастағы қария есепшотындағы қомақты қаржысынан айырылды. Жәбірленушінің айтуынша, шілде айында банкке барып, 1 миллион теңгесін депозитке салмақшы болған. Кезек күту кезінде белгiсiз ер адам оған көмек көрсетемін деп сеніміне кіріп, қарияның есепшотының нөмерін біліп алған. Содан бері есепшоттағы түрлі соманы өзiне аударып алып отырған. Бүгінгі күнге дейін 7 миллион 365 мың теңге аударылған.
Қалалық полиция қызметкерлері жүргізген жедел іздестіру шаралары нәтижесінде Жуалы ауданының 20 жастағы азаматы мен 18-дегі бойжеткен анықталды.
«Күдіктілер өз кінәсін толық мойындап, уақытша ұстау изоляторына қамаққа алынды. Қылмыстық кодекстің 188-бабымен(Ұрлық ) сотқа дейінгі тергеу амалдары жүргізілуде»,-деді облыстық Полиция департаментіндегілер.
