Солтүстік Қазақстан облысында жол бойында жылқыны жетектеп кетіп бара жатқан 61 жастағы ер кісі көз жұмды. Оқиға Жезқазған – Петропавл автожолының 840-шақырымында Николаевка ауылының маңында кешкі уақытта болған. Chevrolet Nexia автокөлігінің 38 жастағы жүргізушісі жол үстінде шанаға жегілген жылқыны жетектеп кетіп бара жатқан адамды қағып кеткен. Polisia.kz жазуынша, жол-көлік оқиғасы салдарынан 61 жастағы тұрғын сол жерде қайтыс болды. Медициналық куәландыру актісіне сәйкес Chevrolet Nexia автокөлігінің жүргізушісі мас емес.
Бұл оқиға Қылмыстық кодекстің 345-бабының 3-бөлігі (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы) бойынша сотқа дейінгі тергеп-тексерулердің бірыңғай тізілімінде тіркелді. Полицейлер жол-көлік оқиғасының мән-жайы мен себептерін анықтап жатыр. Бірқатар қажетті сараптамалар тағайындалды. Жүргізілген іс-шаралардың нәтижелері бойынша түпкілікті процессуалдық шешім қабылданатын болады.
