Астана халықаралық әуежайы маңындағы LRT станциясының құрылысы аяқталып, дайын тұрғаны белгілі болды.
Астана халықаралық әуежайы аумағында орналасқан 101- станцияның ішінде заманауи талаптарға сай, толық жағдай жасалған. Яғни, эскалаторлар мен интерактивті экрандар да қойылған. Сондай-ақ, ары-бері қатынау үшін жеделсатыда қарастырылған.
LRT желісінде жалпы 18 станция қарастырылған. Олар екі түрге бөлінеді: жер үстіндегі (11 станция) және эстакадалық (7 станция).
Барлық станциялардың құрылысы 2025 жылы толық аяқталады деп жоспарланған. Жоспарға қасбетті монтаждау, жерасты өткелдерін салу, ішкі әрлеу жұмыстары және айналасындағы аумақты абаттандыру кіреді.
Естеріңізде болса, қала әкімі Жеңіс Қасымбек LRT құрылысы осы жылы жазда толығымен аяқталып, қыркүйекте алғашқы пойыздар жетеді деген болатын.
