Қасым-Жомарт Тоқаев жаңадан тағайындалған министрге бұқаралық және балалар мен жасөспірімдер спортын дамыту, спорт саласының барлық деңгейінде бірыңғай басқару вертикалін қалыптастыру, бапкерлер құрамын күшейту, саланы ғылыммен ұштастыру бағытында міндет жүктеді.
Президент министрден биыл маусым айында өткен Туризмді дамыту жөніндегі кеңесте берілген тапсырмалары бойынша нәтижелі жұмыс күтетінін айтты.
Айта кетейік, Мемлекет басшысының Жарлығымен Ербол Қуантайұлы Мырзабосынов 2 қыркүйек күні Қазақстан Республикасының Туризм және спорт министрі лауазымына тағайындалған болатын. Ол, еңбек жолын 2005 жылы Семей мемлекеттік педагогика институтынан бастаған. Сондай-ақ, спорт академиясында, министрлікте, спорт клубтарында жаттықтырушы болып қызмет атқарған.
