Қазақстан Республикасының Оқу-ағарту министрі Ғани Бейсембаев азаматтарды жеке қабылдау өткізді.
Қабылдау барысында азаматтар білім беру саласына қатысты, соның ішінде орта, инклюзиялық және арнайы білім беру мәселелері бойынша сұрақтар қойып, өз ұсыныстарын білдірді. Түскен өтініштер балалар үшін тең білім беру мүмкіндіктерін қамтамасыз ету, педагогтердің құқықтарының қорғалуы және олардың біліктіліктерін арттыру сынды өзекті мәселелерді қамтыды.
Министр әрбір өтінішті мұқият тыңдап, нақты жауаптар берді. Сондай-ақ аталған мәселелерді шешу бойынша тиісті құрылымдық бөлімшелер мен өңірлік басқармаларға тапсырмалар жүктеді.
Айта кетейік, азаматтарды қабылдау Мәңгілік Ел даңғылы 8, Министрліктер үйі, 16-кіреберіс мекенжайында орналасқан Азаматтарды қабылдау орталығында өткізіледі. Қабылдау кестесі министрліктің ресми сайтында жарияланған.
