140
Испания құрамасы мен “Манчестер Ситидің” жартылай қорғаушысы 2023/24 маусымының ең үздік ойыншысы атанды. Жартылай қорғаушы Родри, биыл Испания құрамасымен Еуропа чемпионатында жеңіске жетіп, турнирдің үздік футболшысы атанған. Бұған қоса, «Манчестер Сити» сапында Англия чемпионы атанды.
Айта кетейік, бұл марапатты, франциялық France Football басылымы жыл бойы үздік нәтиже көрсеткен ойыншыға береді.
Естеріңізде болса, бұған дейін «Алтын допты» «Реал Мадрид» футбол клубының футболшысы Винисиус Жуниор иеленеді деген ақпарат тараған болатын. Кейіннен, оның жалған екені айтылды. Ариынша, «Реал» толығымен марапаттау рәсіміне келуден бас тартқаны белгілі болған. Шыныменде, Парижде өткен марапаттау рәсіміне Винисиус та, «Реал» да келген жоқ.
