66
Шымкентте су тарифі кемінде 30 пайызға төмендейді. Мұндай шешім, қаладағы су ресурстарының жекешелендірілуі жарамсыз деп танылып, оларды мемлекеттік меншікке қайтару туралы сот шешімінен соң қабылданып отыр.
2004 жылдан бері су жүйесін «Су ресурстары – маркетинг» жеке компаниясы басқарған. Онда мемлекеттің үлесі небәрі 22% болған еді.
Тексеру барысында шығындар, өзге де құрылымдармен жасалған күмәнді мәмілелер мен Су кодексіне сәйкес келмейтін заң бұзушылықтар анықталған.
Енді, су жүйесін бақылау мемлекетке қайтарылды. Әкімдік тарифтің кем дегенде 30%-ға төмендейтінін хабарлады.
