62
Алматыдағы тұрғын үй кешенінің күзетшісін өлтірген адам 22 жылға абақтыға жабылды. Ол қайтыс болған адамның отбасына 24 миллион теңге өтемақы төлеуге міндеттелді.
Прокурор сотталушыға 24 жыл сұрады. Ал, жәбірленуші тарап өмір бойы бас бостандығынан айыруды сұраған.
Оған 2 бап бойынша айып тағылды. Яғни, ерекше қатыгездікпен кісі өлтіру, жеке өмірге қол сұғу.
Естеріңізге сала кетейік, былтыр наурыз айында түнгі уақытта сотталушы мас күйінде жәбірленушімен жанжалдасып арты төбелеске ұласқан. Содан кейін сотталушы көлігіне отырып, тұраққа шығатын жерге қарай бет алып, жәбірленушіні қағып кетеді. Артынан, екінші рет басып өткен болатын. Артынша көліктен түсіп, жерде жатқан күзетшіні ұрып-соққан.
