Батыс Қазақстан облысы полиция департаментінің криминалдық полиция басқармасының қызметкерлері облыс орталығының бірнеше тұрғынын алдап, олардан 200 миллион теңгеден астам қаражат иемденген ер адамды ұстады.
Ол, Түркістан облысының жергілікті тұрғыны. Күдікті, әлеуметтік желі арқылы бір әйелмен танысып, өзін iPhone смартфондарын көтерме бағамен көршілес елдерге қайта сататын кәсіпкер ретінде таныстырған. Сенімге кірген алаяқ жәбірленушіге осы бизнестің тиімді екенін айтып, оған ақша салуды ұсынған. Әйел оған екі пәтерін сатып, түскен қаражат пен жеке жинақтарын берген. Нәтижесінде оның шығыны 77 миллион теңгеден асқан. Сонымен қатар алаяқтың құрбаны болған әйелдің туыстары мен таныстары да оның “тиімді” инвестиция ұсынысына сеніп, қаражаттарын берген. Қазіргі таңда күдіктіге, қатысты алты эпизод бойынша тергеу амалдары жүргізілуде. Ал, жәбірленушілерге, 200 миллион теңгеге жуық шығын келген. Тергеу барысында күдікті ақшаны жеке қажеттіліктеріне жұмсағаны және букмекерлік кеңселерге салып жібергені анықталды.
Қазіргі таңда, күдікті қамауға алынып, уақытша ұстау изоляторына жабылды
