Терроризмге қарсы іс-қимыл шеңберінде ағымдағы жылдың шілде-тамыз айларында Ұлттық қауіпсіздік комитеті полиция органдарының көмегімен және прокуратураның үйлестіруімен Астана қаласында, Алматы және Батыс Қазақстан облыстарында бірқатар іс-шара өткізді. Нәтижесінде, Қазақстанның 5 азаматы ұсталды деп хабарлады ҰҚК баспасөз қызметі.
Күдіктілердің тұрғылықты мекенжайын тексеру барысында заңға қайшы қару-жарақ, оқ-дәрілер, діни әдебиеттер және өзге де заттай дәлелдемелер табылды.
Күдіктілердің екеуі кісі өлтіру, тонау және бұзақылық үшін сотты болған. Тағы біреуі бұрын лаңкестердің шетелдік лагерьлерінде дайындықтан өтіп, шет мемлекет аумағында қарулы қақтығыстарға қатысқаны белгілі болды.
Қазіргі таңда бұл азаматтарға ҚҚ 174, 256, 259-баптары бойынша сотқа дейінгі тергеп-тексеру жүргізілуде.
