Жас жұбайлардың шаңырақ көтеру тойында қалыңдық көпті тәнті етті. Ақ босаға аттаған келін жақын туыстарына торт орнына қымыз құйып берді.
Бұл сәттің видеосын қалыңдық ТікТок парақшасында жариялады. Той көйлегін киген жас келін алдымен қайын атасына, кейін өз әкесіне ұлттық сусын құйып береді. Кейін қайын енесі мен өз анасына тарту етеді. Ал күйеу жігіт болса ата-аналарына бауырсақты ұсынады.
«Торт орнына қымыз құйып береміз деп шештік» деп жазды автор.
Бейнежазбаны 40 мыңнан астам қолданушы көрген. Желі қолданушылары жас жұбайлардың бұл әрекеті жаңа бір тренд әкелеріне сенім білдірді.
«Ерекше нәрсе екен», «Жап-жақсы дүние. Осындай нәрселер трендке айналсын», «Біз де 9 жыл бұрын тойымызда осылай жасадық. Бірақ туыстарымызға сүт бердік», «Менің қызымның тойында да осылай жасаған еді» деп жазды желі қолданушылары.
Айта кетейік, жас жұбайлардың тойы Көкшетау қаласында өткен.
