Дональд Трамп әкімшілігі “Америка дауысы”, “Бостандық радиосы” және басқа да шетелдік хабар тарату желілерін қаржыландыруды тоқтатты. Мыңдаған қызметкерлер, әкімшілік демалысқа жіберілді.
«Аты аңызға айналған «Америка дауысының» 83 жылда алғаш рет үнсіз қалғанына қатты қынжыламын. Бүгін таңертең мен «Америка дауысының» іс жүзінде бүкіл қызметкерлері — 1300-ден астам журналистің, продюсерлер мен техникалық қызметкерлердің әкімшілік демалысқа шыққанын білдім. Мен де солардың қатарындамын»,-деді директор, Майкл Абрамовиц.
Бұған дейін, Ақ үйдің веб-сайтында жарияланған бұйрықта «өздерінің жарғылық функциялары мен қызметкерлерін заңмен талап етілгендей барынша қысқартуға» тиіс ұйымдар тізімі берілген болатын. Олардың арасында АҚШ-тың жаһандық медиа жөніндегі агенттігі (USAGM) бар, ол 49 тілде хабар тарататын бес ірі америкалық медиакорпорацияны, соның ішінде «Азат Еуропа/Азаттық» және «Америка дауысы» да бар.
Енді, қызметкерлер, журналистік куәліктерді, жұмыс телефондары мен жабдықтарды тапсыруы керек.
