9,5 млн-нан астам қазақстандық еңбек саласындағы цифрлық қызметтерге қол жеткізді. Бұл туралы Үкімет отырысында белгілі болды.
«Мемлекет басшысының электрондық мемлекеттік қызметтер саласын дамыту жөніндегі тапсырмасын орындау шеңберінде елімізде жұмыспен қамту саласында заманауи цифрлық шешімдер енгізілуде. Цифрлық даму, инновациялар және аэроғарыш өнеркәсібі бірінші вице-министрі Қуаныш Төлеушиннің айтуынша, жұмыспен қамту бағдарламаларынан бастап зейнетақы төлемдеріне дейінгі еңбек жолының барлық негізгі кезеңдері қарастырылған. Бұл барлық кезеңдерде қызметтерге қол жетімділікті қамтамасыз ететін траекторияны құруға мүмкіндік берді: еңбек қызметі басталғаннан бастап зейнеткерлікке шыққанға дейін. Жұмыс іздеушілерді тіркеу үдерісі қазір автоматтандырылған. Жүйе қолмен іздеуді қоспағанда, қолайлы жұмыс орындарын белсенді түрде ұсынады. Сондай-ақ бүгінгі таңда мемлекеттік ақпараттық жүйелермен интеграцияның арқасында қажетті құжаттардың 90%-дан астамы автоматты түрде электронды түрде қалыптастырылады. Еңбек шарты электрондық цифрлық қолтаңбаны қолдану арқылы қашықтан жасалады, жеке бару қажеттілігі жоқ. Бұл 9,5 млн-нан астам еңбекке қабілетті адамды қамтиды және қызмет көрсетуге кететін уақытты 3 күннен 5 минутқа дейін қысқарты»,-деп жазылған мәлімдемеде.
Сонымен қатар пилоттық режимде зейнетақы тағайындау кезінде жаңа тәсіл енгізілді. Жасы бойынша скоринг негізінде жүйе зейнетақы ісін автоматты түрде қалыптастырады, еңбек өтілі туралы мәліметтерді тексереді және төлемдерді белсенді тағайындайды. Бұл тетікті енгізу азаматтардың мемлекеттік органдарға өтініш жасамай-ақ, қызмет көрсету мерзімін 10-нан 1 күнге дейін қысқартады.
