Алматы қаласында жаңа туған нәрестелерді заңсыз сатумен айналысқан ұйымдасқан қылмыстық топтың жолы кесілді. Тергеу мәліметтеріне сәйкес, бұл топ бірнеше жыл бойы әлеуметтік осал топтарға жататын әйелдерден нәрестелерді заңсыз жолмен үшінші тұлғаларға беруге делдалдық жасаған.
Құқық қорғау органдары жүргізген арнайы операция барысында күдіктілер, ірі көлемдегі ақша қаражатын алып жатқан сәтінде қолға түсті.
Қазіргі уақытта жаңа туған сәби мемлекеттік қорғауға алынып, тиісті арнайы мекемеге орналастырылды. Тергеу амалдары жалғасуда.
«Бұл бір реттік әрекет емес. Біз тұрақты схема болған деп есептейміз, мүмкін аймақаралық байланыстар да бар. Барлық қатысы бар тұлғаларды анықтау жұмыстары жалғасуда. Нәрестелерге қатысты заңсыз әрекеттер – бұл аса ауыр және арсыз қылмыс», – деп мәлімдеді Алматы полиция департаменті басшысының бірінші орынбасары Қуатбек Науатов
