49
2 сәуірге қараған түні Е.А.Бөкетов атындағы Қарағанды университетінің 9 қабатты жатақханасында өрт шықты. Салдарынан, 10 студент зардап шегіп, ауруханаға түсті.
Оқиға орнына барған ТЖМ қызметкерлері, ғимараттың бірінші қабатындағы қоқыс жәшігінде, 1,5 шаршы метр аумақта қоқыс жанғанын анықтаған.
«ТЖД жатақханадан төрт адамды құтқарды. Құтқарушылардың үйлесімді әрекетінің арқасында өрт 19 минут ішінде сөндірілді. Алдын ала болжам бойынша өрттің себебі – ашық от көзі», – деп жазылған мәлімдемеде.
Оқиға салдарынан зардап шеккендер бар. 10 студент Мақажанов атындағы ауруханаға және облыстық балалар клиникалық ауруханасына толық тексеріс үшін жеткізілген.
