227
Ресми мәлімет бойынша, «Браконьер» ЖПІШ аясында рейдтік іс-шараларды өткізу барысында Бұқтырма су қоймасы учаскелерінің бірінің жағасында тиісті құжаттарсыз шаян тасымалдаған 44 жастағы жергілікті тұрғын қолға түскен. Оның басқаруындағы ВАЗ-2121 автокөлігінен 10 қапқа жуық тірі шаян табылды. Күршім ауданының инспекциясы залал сомасы шамамен 1 млн 452 мың теңге болғанын хабарлады.
Күдікті, шаянды бұрын белгісіз адамдардан сатып алғанын, содан кейін оларды көлікке тиеп, сату үшін облыс орталығына апара жатқанын мәлімдеді. Қазіргі таңда азаматқа қатысты қылмыстық іс қозғалып, тергеу амалдары жүргізілуде.
