323
Өскеменде лото-клубтардың бірі тоналды. Ертіс полиция бөлімінің 102” жедел арнасына ЖШС әкімшісінен хабарлама келіп түскен. Ол түнгі уақытта бейтаныс жігіт лото-клубтағы кассадан 1,4 миллион теңгені ашық ұрлап кеткенін айтқан.
Polisia.kz жазуынша, патрульдік полиция батальоны мен Ертіс полиция бөлімінің жедел-тергеу тобы қызметкерлерінің жедел әрекет етулеріне байланысты күдікті ұсталды. Ол Ұлан ауданының 25 жастағы тұрғыны болып шықты. Жауап алу кезінде ер адам өз кінәсін мойындаған. Ұрланған ақшаның белгілі бір бөлігі тәркіленіп алынды.
Күдіктіге қатысты Қылмыстық кодекстің 191-бабы 1-бөлігімен (Тонау) сотқа дейінгі тергеу жүргізілуде.
