364
Астана қаласы Алматы аудандық полиция басқармасына елордалық тұрғын арызданды. Оның айтуынша, дәмханада достарымен бірге спирттік ішімдік ішкен. Масайып қалған оны байқаған досының бірі сырт киімін киіп, оқиға орнынан кетіп қалған.
Ұрланған сырт киімнің қалтасында 200 мың теңге мен «Samsung А 30» маркалы ұялы телефон болған.
«Ұрлық фактісі бойынша сотқа дейінгі тергеу амалдары жүргізілуде. Жедел-іздестіру іс-шараларын жүргізу кезінде ұрлық жасады деген күдікпен 32 жастағы ер кісі ұсталды. Келтірілген материалдық шығын иесіне қайтарылды» деп атап өтті қалалық Полиция департаменті.
Тәртіп сақшылары қазіргі таңда күдіктінің қала аумағында бұрын жасалған осындай қылмыстарға қатысы бар-жоқтығын анықтап жатыр.
