379
Ақтөбеде өзен жағасынан мәйіті табылған екі адамның өліміне қатысы бар күдіктілердің барлығы ұсталды. Бұл туралы ІІМ-нің Telegram-каналы жазды.
Бұған дейін полиция аса ауыр қылмыс жасады деген 3 күдіктіні ұстаған болатын.
Облыс орталығынан 400 шақырым жерде орналасқан елдімекендердің бірінен тағы 6 күдікті ұсталды. Осы факті бойынша Қылмыстық кодекстің 99-бабы 2-бөлігі 1-тармағымен (Кісі өлтіру) сотқа дейінгі тергеу жүргізілуде.
Еске салсақ, 26 қазан күні К.Нокин даңғылы бойында орналасқан моншаға қарсы беттегі Елек өзені жағасынан екі адамның зорлық белгілері бар мәйіті табылған болатын. Марқұм болғандардың бірі — 31 жаста, екіншісі 27-де.
