Шымкентте қалалық Полиция департаментінің экстремизмге қарсы іс-қимыл басқармасының қызметкерлері жүргізген жедел іздестіру шаралары барысында жергілікті жердің 32 жастағы тұрғыны ұсталды. Ол араб тілін заңсыз оқыту курсын ашып, онда теріс ағымдағы дінді үйретіп, насихаттап келген. Яғни, заңсыз миссионерлік қызметпен айналысқаны анықталды.
Ер кісі Әкімшілік құқықбұзушылық туралы кодекстің 490-бабы 3-тармағы бойынша әкімшілік жауапкершілікке тартылды.
Істі жүргізу барысында оның бір жыл ішінде дәл осы әкімшілік құқықбұзушылықты екінші рет қайталап отырғандығы белгілі болды. Осыған байланысты Шымкент қаласы мамандандырылған әкімшілік сотымен жергілікті тұрғынға ҚР ҚК-нің 490-бабының 8-тармағына сәйкес, 612 600 теңге көлемінде айыппұл салынды» деп атап өтті Полиция департаментіндегілер.
