26-28 қазан аралығында Астанада 5-ші мерейтойлық Нобель фестивалі өтеді, деп хабарлайды Elitar.kz Kazpravda.kz сайтына сілтеме жасап.
Астанада ірі халықаралық коммерциялық емес технологиялық, ғылыми және білім беру іс-шарасы күтілуде. Нобель фестивалінің миссиясы – жаһандық білім мен ғылымды әлемнің кез келген бұрышында қолжетімді ету.
Фестивальге жыл сайын 14-тен астам Нобель сыйлығының лауреаттары, 14 (Science Oscar) лауреаттары, жаһандық инноваторлар, 155 елден 500 университет және 500 000-нан астам делегат қатысады.
26 қазанда фестиваль аясында «Астана-Ташкент» телекөпірі өтеді, оның барысында білім деңгейі жоғары және төмен елдердегі әлеуметтік-экономикалық айырмашылықтар, дамушы елдердегі білім сапасы, сондай-ақ білім беру жүйесін жетілдіру мәселелерін талқылау жоспарлануда.
Бесінші Нобель фестивалі қазақ, ағылшын, түрік, қытай, араб, өзбек және орыс тілдерінде 6 студияда – Әзірбайжан, Германия, Түркия, Пәкістан, Қытай, Өзбекстан және Қазақстанда өтеді.
Шараға қатысу үшін елордаға 2007 жылғы Нобель бейбітшілік сыйлығының лауреаты, БҰҰ Бас хатшысының климаттың өзгеруі жөніндегі кеңесшісі Рае Квон Чунг келеді.
Сонымен қатар, алдағы форумда бас футуролог және Future Hub B Sap жетекшісі Мартин Везовский; Әлемдік мұғалімдер сыйлығының иегері Кейша Торп; COMSTECH бас үйлестірушісі М.Икбал Чоудхари; Ғылым және жоғары білім министрі Саясат Нұрбек; Indriver компаниясының бас директоры және негізін қалаушы Арсен Томский және басқалар қатысады деп күтілуде.
«Ең маңызды оқиғалардың бірі Қазақстанда алғаш рет Нобель сыйлығының лауреаты жанынан ашылған Климаттық экономика орталығының ашылуы болмақ. Орталық М.Әуезов атындағы Оңтүстік Қазақстан университетінде есігін айқара ашады», — деп түсіндірді V Нобель фестивалінің бағдарламасының бөлім басшысы Жұлдыз Адамзатова.
Nobel Fest аясында 31 қазан мен 4 қараша аралығында Нобель дәрістері апталығы ұйымдастырылатынын айта кеткен жөн. Көптеген студенттер, оқытушылар, жас ғалымдар, профессорлар және барлық тілек білдірушілер үшін Нобель сыйлығының лауреаттары мен әлемнің ең беделді марапаттарының иегерлері дәріс оқиды.
