Ұлттық ұланның сарбаздары қаңтар айындағы жаппай тәртіпсідіктегі көрсеткен ерлігі үшін мемлекеттік марапатқа ие болды, деп хабарлайды Elitar.kz.
Қаңтар оқиғасы кезінде құқықбұзушыларды құрықтау мүмкін болмады. Әсіресе оларды тоқтатып, сабырға шақыру тіпті мүмкін емес еді. Осындай уақытта, бұзақыларға қарсы тұрып, елі үшін жанын беруге әзір болған қатардағы жауынгер Бейімжан Бимырза «жауынгерлік ерлігі үшін» медалімен марапатталды. Ел Президенті Қасым жомарт Тоқаев 14 қазанда марапаттау туралы Жарлыққа қол қойды. Ал, марапатты елдің батырларына Шымкент қаласы әкімінің бірінші орынбасары Шыңғыс Мұқан салтанатты түрде табыс етті.
«Бұл марапат үшін көп рахмет! Шындығында, қаңтар оқиғасы кезінде отанымызды, елімізді қорғау үшін барымызды салдық. Ол біздің міндетіміз. Тек әскери қызметкердің емес, өзге де азаматтардың бірден бір міндеті деп білемін. Мереке құтты болсын, Республика күні құтты болсын!»- дейді қатардағы жауынгер Бейімжан Бимырза.
Айта өту керек, қаңтар айында қаламыздың бірнеше қаласында бейбіт митингтің арты заңсыздыққа ұласқан болатын. Тіпті, мемлекеттік иеліктерге зақым келіп, бірнеше адам қайтыс болған. Сондай-ақ, жаппай тәртіпсіздік барысында бұзақылар әкімдікті басып алып, құқық қорғау орган өкілдерінеде қол көтерген. Ол аздай, кәсіпкерлердің нысандарына шығын келтіріп, тас талқанын шығарған еді.
