ҚР Қаржы нарығын реттеу және дамыту агенттігінің 2022 жылдың басынан бастап тізілімінен 31 коллекторлық агенттік шығарылды, деп хабарлайды Elitar.kz ҚР ҚНРДА баспасөз қызметне сілтеме жасай отырып.
Тізілімнен шығаруға бірқатар факторлар негіз болды. 26 коллекторлық агенттік өз қызметін ерікті түрде тоқтату туралы шешім қабылдаса, тағы 5 коллекторлық агенттік тізіліміне енгізілген күннен бастап қатарынан күнтізбелік он екі ай ішінде коллекторлық қызметті жүзеге асырмауға байланысты қызметтері тоқтатылған.
Тізілімнен шығару туралы хабарламаны алған сәттен бастап коллекторлық агенттіктерге берешекті өндіріп алу туралы жаңа шарттар және (немесе) банктік қарыз шарттары және (немесе) микрокредит беру туралы шарттар бойынша коллекторлық агенттікке құқықтың (талаптың) өту талаптарын қамтитын шарттар жасасуға тыйым салынады, деп ақпаратты агенттікте нақтылады.
