Жетісу облысындағы Есіл ауданында қанды оқиға орын алды. Қарабұлақ кентінің 34 жастағы тұрғыны шұғыл түрде ауруханаға түсті. Науқасқа кеуде тұсынан пышақ жарақаты салынған. Бұл туралы полицияға хабар беріліп, қылмыстық іс қозғалды. Облыстық Полиция департаментінің мәліметінше, күдікті ретінде 60 жастағы ер кісі ұсталды. Ол жәбірленушінің ауылдасы.
Белгілі болғандай, екі ер кісі бірнеше күннен бері бірге ішімдік ішкен. Кейін арада жанжал туындап, бірі екіншісін пышақтаған. Күдікті мас күйінде ұсталған.
«Күдікті алдымен медициналық айықтырғышқа орналастырылды. Содан кейін жауап алу үшін аудандық полиция бөліміне жеткізілді. Қылмыстық іс қозғалды. Қылмыс құралы болған ас үй пышағы іс материалдарына тіркелді» делінген ведомство мәліметінде.
Қазіргі таңда полицейлер оқиғаның мән-жайын анықтап жатыр.
