Су-34 ұшағы Ресейдің Краснодар өлкесінің Ейск қаласында тұрғын үйдің үстіне құлады, деп хабарлайды Elitar.kz ТАСС агенттігіне сілтеме жасап.
Ресей қорғаныс министрлігінің хабарлауынша, Оңтүстік әскери округінің әскери аэродромынан оқу-жаттығу ұшуын орындау үшін көтерілу кезінде Су-34 бомбалаушы ұшағы апатқа ұшырап, ұшақ Йейск қаласының шегінде құлаған.
Ұшқыштар ұшақтан аман-есен шығып үлгенрген. Олардың айтуынша, апатқа ұшу кезінде қозғалтқыштардың бірінің тұтануы себеп болған. Су-34 ұшағы құлаған жерде ұшақтың жанармайы тұтанған.
Тұрғын үй 9 қабаттан тұрады. 1-ші қабаттан 5-ші қабатқа дейін өрт жалмаған. Алдын ала мәліметтер бойынша, ұшақ үйге құлағаннан кейін 15 пәтер зардап шеккен, өрт 2000 шаршы метр аумақты шарпыған, деп хабарлады төтенше жағдайлар қызметі.
Денсаулық сақтау министрлігінің мәліметінше, алты адам қаза тауып, кемінде 19 адам жарақат алған.
Краснодар өлкесінің билігі Ейскіде қаза тапқандардың отбасыларына бір миллион рубль бөледі. Бұл туралы «Россия 24» телеарнасының эфирінде Краснодар өлкесінің губернаторының орынбасары Анна Минкова мәлімдеді, деп хабарлайды ТАСС.
«Ауырлығы орташа және ауыр зардап шеккендерге 400 мың және мүлкін жоғалтқаны үшін отбасының әрбір мүшесіне 100 мың рубль», — деп мәлімдеді облыс губернаторының орынбасары.
