385
Түркістан облысы Кентау қаласының тұрғыны үй ұрысының құрбаны болды. Оның үйінен донер жасайтын аппаратын белгісіз біреу жымқырып кеткен. Жәбірленушінің полицияға жазған арызы ҚР ҚК-нің 188-бабы «Ұрлық» бойынша тіркелген.
Жедел-тергеу тобы жүргізген іздестіру жұмыстарының нәтижесінде ұрлық жасаған күдікті ретінде ер кісі анықталды. Ол бұрын сотты болған, жәбірленушінің туысы болып шықты. расталды.
«Күдікті туысының үйінде ешкім жоқ сәтті пайдаланып, аппаратты алып, оқиға орнынан бой тасалаған. Содан оны Түркістан қаласына апарып сатып жіберген. Ал ақшасын өз қажеттіліген жұмсаған. Қазіргі таңда сотқа дейінгі тергеу жұмыстары жүргізілуде» деп атап өтті Түркістан облыстық Полиция департаменті.
